Bheed se Hatkar

bheed ki nirankushta ne daba di hai

jiski hansi masoomi aur aankhon ki chamak

khurduri sadak par khurduri hatheli failaye

hamse kya maang raha hai

dekho uske haathon ki lakeeron ko

usmein koi rahasya nahi hai

bhavishya ki koi kalpana nahi hai

dekho uski aankho mein

wahan swapn nahi hain

ghoda pariyon aur shahzadon ke

lekin usey dekhne ke liye bheed se alag ho jao

hamara ansh hai wo hameen se janma hai

bas apne kuchh pal mangne aaya hai

uski hatheli par ek aansoon tapka do

wo narm ho jayegi

usey aakaash mein ek tara to dikha do

uski ankhon mein chamak aa jayegi

uskey haathon par mat rakho ek thanda sikka

agar kuchh rakhna hai to apna garam haath rakho

Filed by sumedha at 2:16 pm under Uncategorized
1 Comment